2013年8月24日 星期六

Italian Tomato - 四色月餅慶中秋



(另有文章在新假期推出。照片由Italian Tomato提供)

轉眼間又快到中秋,即是又係食月餅既時候。今年早已收到各大品牌送給我的月餅劵,但真正嚐到的首盒特色月餅,正是Italian Tomato的四色奶皇月餅禮盒。甜魔媽媽Yan、文廸和我三人,齊齊試了四款不同口味的出品,作個小比拼。

焗過的奶皇月最好吃

第一款是相對普遍的「皇牌經典」,即是蛋黃奶皇月餅。月餅皮算幾薄,奶皇香甜,本身已經好吃。其實有個更佳的食法,就是放入焗爐焗大概十分鐘,外皮會軟滑得多,而且蛋黃的香氣更加突出,想起也令人口水流滿地。

接著嚐到的,是藍莓芝士月餅,據聞係採用了忌廉芝士,我是首次接觸這種口味。呢款既口感同樣鬆化,但藍莓及芝士味比預期之中溫和,個人認為是可以去得更盡一些。
 
有蕉氣
還試了香蕉朱古力月餅,用料是法國香蕉茸和頂級Valrhona朱古力,感覺名貴。咬一口,餅皮相對厚了點,卻就是勁「有蕉氣」的出品。因為香蕉味實在重,甚至比朱古力味來得更加厲害,如果朱味可以濃番些少,裡頭加多點朱古力粒粒,兩者會平衡得更好。
 
永遠匹配的紅豆跟綠茶
最後,亦是我的第二最愛,正是抹茶紅豆月餅。這款質感較為濕,但咬落抹茶味十分香醇,餡料的粒粒紅豆增強了口感,而紅豆跟抹茶從來是天作之合,永不會失手的。
 
已公開發售
東亞及AEON信用卡均有折扣優惠,依家已經有得訂啦!快手啦喂!



4 則留言: